महाराष्ट्रातील महिलांना आर्थिकदृष्ट्या सक्षम करण्यासाठी महायुती सरकारने सुरू केलेली ‘मुख्यमंत्री लाडकी बहीण योजना’ एक महत्त्वाकांक्षी पाऊल ठरली आहे. या योजनेद्वारे पात्र महिलांच्या बँक खात्यात दरमहा ₹१,५०० जमा केले जात असून, लवकरच ही रक्कम वाढून ₹२,१०० प्रति महिना होणार आहे. अलीकडेच सरकारने या योजनेसाठी ₹१,४०० कोटींची तरतूद जाहीर केली आहे.
लाडकी बहीण योजना: लाभार्थी यादीत तुमचे नाव तपासण्यासाठी सोप्या पायऱ्या
जर तुम्ही या योजनेसाठी अर्ज केला असेल आणि तुमचे नाव लाभार्थी यादीत आहे की नाही, हे जाणून घ्यायचे असेल, तर तुम्ही तुमच्या स्मार्टफोनच्या मदतीने ते एका क्लिकवर तपासू शकता.
अशा प्रकारे तपासा तुमचा लाभार्थी स्टेटस:
लाभार्थी यादी तपासण्यासाठी सरकारने ‘नारी शक्ती दूत’ नावाचे ॲप विकसित केले आहे. खालील सोप्या पायऱ्या वापरून तुम्ही तुमचा स्टेटस तपासू शकता:
- स्टेप १: तुमच्या मोबाइलमध्ये ‘नारी शक्ती दूत’ ॲप उघडा आणि लॉगिन करा.
- स्टेप २: ॲपच्या डॅशबोर्डमध्ये ‘लाभार्थी अर्जदारांची यादी’ (Beneficiary Applicants List) नावाच्या बटणावर क्लिक करा.
- स्टेप ३: आता तुम्हाला तुमचा जिल्हा, तालुका, ब्लॉक आणि गाव निवडण्यास सांगितले जाईल. ही माहिती भरल्यानंतर ‘शोधा’ (Search) बटणावर क्लिक करा.
- स्टेप ४: क्लिक करताच, तुमच्या समोर एक यादी दिसेल. या यादीत तुम्ही तुमचे नाव शोधू शकता. जर तुमचे नाव यादीत असेल, तर तुम्हाला या योजनेचा लाभ मिळणार आहे.
गेल्या अर्थसंकल्पात जाहीर केल्यानुसार, २१ ते ६० वयोगटातील महिलांना मासिक भत्ता देणारी ही योजना २.५ कोटींहून अधिक महिलांसाठी वरदान ठरली आहे. या योजनेमुळे महिलांना आर्थिक स्वावलंबन मिळण्यास मोठी मदत झाली आहे.
