Ladki Bahin Yojana August List: महाराष्ट्र शासनाची ‘मुख्यमंत्री माझी लाडकी बहीण योजना’ सध्या चर्चेत कारण बनलेली ज्ञआहे, कारण या योजनेतील लाभार्थ्यांची फेरपडताळणी सुरू झाली आहे. या पडताळणीमध्ये अनेक बोगस अर्जदार आढळून आल्याने हा निर्णय घेण्यात आलेला आहे. मात्र, या प्रक्रियेमुळे कोणत्याही पात्र महिलेवर अन्याय होणार नाही, असे आश्वासन राज्याच्या महिला व बालकल्याण मंत्री आदिती तटकरे यांनी दिले आहेत.
पडताळणी का सुरू आहे?
या योजनेला एक वर्ष पूर्ण झाले असून, यामध्ये २.६३ कोटी महिलांची नोंदणी झाली होती. प्राथमिक तपासणीत सुमारे १० ते १५ लाख अर्जदार अपात्र ठरले. त्यानंतर माहिती तंत्रज्ञान विभागाने दिलेल्या आकडेवारीनुसार, काही महिलांना शासनाच्या इतर योजनांचा लाभ मिळत असल्याचे निष्पन्न झाले. यामुळे, चुकीच्या पद्धतीने कुणालाही लाभ मिळू नये यासाठी ही फेरपडताळणी करण्यात येत आहे.
अंगणवाडी सेविका आणि शासनाचा पवित्रा
या पडताळणीचे काम अंगणवाडी सेविका करत असून, गावातील संबंध बिघडण्याच्या भीतीने काही ठिकाणी त्यांनी असमर्थता दर्शवली आहे. यावर बोलताना मंत्री आदिती तटकरे यांनी स्पष्ट केले की, शासन गरजू महिलांसाठी ही योजना राबवत आहे आणि यात कोणताही गैरव्यवहार होऊ नये यासाठी हे पाऊल उचलले आहे. त्यामुळे, सर्वांनी या कामात सहकार्य करणे आवश्यक आहे.
अशा प्रकारे, शासनाचा उद्देश योग्य आणि गरजू महिलांनाच या योजनेचा लाभ मिळावा असा असून, पडताळणी पूर्ण झाल्यावर पात्र महिलांना या योजनेचा लाभ मिळत राहील.
