Gas Cylinder Price: सुरुवातीलाच गॅस वापरकर्त्यांसाठी एक महत्त्वाची बातमी समोर आलेली आहे. देशातील तेल विपणन कंपन्यांनी १९ किलोच्या व्यावसायिक (commercial) गॅस सिलेंडरच्या दरात मोठी कपात केलेली आहे. या कपातीमुळे रेस्टॉरंट आणि लघुउद्योगांना दिलासा मिळाला आहे, मात्र घरगुती वापराच्या सिलेंडरच्या किमतीत कोणताही बदल झालेला नाहीत.
व्यावसायिक सिलेंडरचे दर १३३.५० रुपयांनी घटले
इंडियन ऑयल कॉर्पोरेशन लिमिटेड (IOCL) च्या घोषणेनुसार, १९ किलोच्या व्यावसायिक सिलेंडरच्या किमतीत १३३.५० रुपयांची कपात करण्यात आली आहे. हे नवीन दर १ ऑगस्ट २०२५ पासून लागू झाले आहेत. आंतरराष्ट्रीय बाजारपेठेतील परिस्थिती आणि देशांतर्गत मागणीच्या संतुलनामुळे ही कपात करण्यात आल्याचे सांगितले जात आहे.
या दर कपातीमुळे प्रमुख शहरांमधील व्यावसायिक सिलेंडरचे दर असे आहेत:
- दिल्ली: ₹१,६३१.५०
- कोलकाता: ₹१,७३५.५०
- मुंबई: ₹१,५८३
- चेन्नई: ₹१,७९०
घरगुती सिलेंडरच्या किमती कायम
या दर कपातीचा फायदा फक्त हॉटेल, रेस्टॉरंट आणि छोट्या व्यावसायिकांनाच मिळणार आहे. १४.२ किलोच्या घरगुती एलपीजी सिलेंडरच्या दरात कोणताही बदल झालेला नाही. गेल्या अनेक महिन्यांपासून घरगुती सिलेंडरच्या किमतींमध्ये दिलासा न मिळाल्याने सर्वसामान्य ग्राहक नाराज आहेत.
सध्या देशभरात घरगुती सिलेंडरची किंमत ९०० ते ११०० रुपयांदरम्यान आहे. व्यावसायिक क्षेत्राला मिळालेला हा दिलासा स्वागतार्ह असला, तरी महागाईने त्रस्त असलेल्या सर्वसामान्य गृहिणींनाही दिलासा मिळावा, अशी अपेक्षा व्यक्त केली जात आहे. सरकारने याकडे लक्ष देऊन घरगुती गॅसच्या किमतीतही कपात करावी, अशी मागणी जोर धरत आहे.
