Ladki Bahin Yojana Installment List : राज्यातील ‘मुख्यमंत्री लाडकी बहीण’ योजनेच्या (Mukhyamantri Ladki Bahin Yojana) लाभार्थी महिलांसाठी एक अत्यंत दिलासादायक बातमी आहे. महिला आणि बाल विकास मंत्री आदिती तटकरे यांनी नुकतीच घोषणा केली आहे की, या योजनेच्या जून आणि जुलै महिन्याचे थांबलेले हप्ते लवकरच पात्र महिलांच्या खात्यात जमा केले जातील.
पडताळणी प्रक्रिया पूर्ण झालेल्यांना मिळणार हप्ते
राज्यातील अनेक लाभार्थ्यांचे हप्ते पडताळणी प्रक्रियेमुळे तात्पुरते थांबवण्यात आले होते. यावर बोलताना मंत्री आदिती तटकरे यांनी सांगितले की, ज्या लाभार्थ्यांची पडताळणी पूर्ण झाली आहे आणि जे पात्र आढळले आहेत, त्यांना जून आणि जुलैचे थकीत हप्ते लवकरच मिळतील.
सुरुवातीला ही घोषणा फक्त रायगड जिल्ह्यातील लाभार्थ्यांसाठी असल्याचे सांगितले जात होते, पण आता ही माहिती स्पष्ट करण्यात आली आहे की ही सवलत पडताळणी सुरू असलेल्या राज्यातील सर्व पात्र लाभार्थ्यांना लागू आहे. त्यामुळे संपूर्ण राज्यातील महिलांना याचा फायदा होणार आहे.
प्रक्रिया अधिक जलद करण्यासाठी सहकार्य आवश्यक
आदिती तटकरे यांनी असेही आवाहन केले आहे की, अंगणवाडी सेविकांसोबत सहकार्य केल्यास पडताळणी प्रक्रिया अधिक जलद आणि सुरळीत पार पडेल. या सहकार्यामुळे निधी वेळेवर लाभार्थ्यांच्या खात्यात जमा होण्यास मदत होईल. ज्या लाभार्थ्यांची माहिती आधीच पडताळणी होऊन पुढे पाठवण्यात आली आहे, त्यांना इतरांपेक्षा लवकर पैसे मिळण्याची शक्यता आहे. ज्या महिलांची पडताळणी अद्याप बाकी आहे, त्यांनी ती लवकर पूर्ण केल्यास त्यांचेही हप्ते नियमितपणे मिळण्यास सुरुवात होईल.
हा निर्णय अनेक गरीब आणि गरजू महिलांसाठी महत्त्वाचा असून, थांबलेले पैसे मिळाल्याने त्यांना मोठा आर्थिक आधार मिळेल.
