महाराष्ट्र सरकारने सुरू केलेली ‘मुख्यमंत्री माझी लाडकी बहीण’ योजना राज्यात प्रचंड लोकप्रिय ठरली. कोट्यवधी महिलांनी या योजनेसाठी अर्ज केले आणि त्यांना आर्थिक मदतही मिळाली. मात्र, नुकत्याच समोर आलेल्या आकडेवारीमुळे या योजनेवर प्रश्नचिन्ह निर्माण झाले आहे. या योजनेसाठी पात्र ठरलेल्या २ कोटी ५२ लाख लाभार्थ्यांपैकी तब्बल २६ लाख ३४ हजार महिला अपात्र ठरल्या आहेत. एवढेच नाही, तर धक्कादायक बाब म्हणजे १४ हजार २९८ पुरुषांनीही या योजनेचा लाभ घेतल्याचे समोर आले आहे.
अपात्रतेचे नेमके कारण काय?
महिला व बाल कल्याण मंत्री अदिती तटकरे यांनी स्वतःच सोशल मीडियावर ही आकडेवारी जाहीर केली आहे. त्यांच्या माहितीनुसार, महिला व बालविकास विभागाने योजनेतील सर्व पात्र अर्जांची पडताळणी केली. या पडताळणीमध्ये असे आढळले की, काही कुटुंबांमध्ये २ पेक्षा जास्त लाभार्थी आहेत, तर काही महिला आधीच इतर सरकारी योजनांचा लाभ घेत आहेत. या नियमांचे उल्लंघन झाल्यामुळे या अर्जदारांना तात्पुरते अपात्र ठरवण्यात आले आहे.
सरकारची पुढील पावले काय असतील?
सध्या, सरकारने जून २०२५ पासून या २६.३४ लाख अर्जदारांचा लाभ तात्पुरत्या स्वरूपात थांबवला आहे. या सर्व अपात्र लाभार्थ्यांच्या माहितीची पुन्हा एकदा पडताळणी जिल्हाधिकाऱ्यांमार्फत केली जाईल. या तपासणीमध्ये जे लाभार्थी खरोखरच पात्र आढळतील, त्यांना योजनेचा लाभ पुन्हा सुरू केला जाईल.
फसवणूक करणाऱ्यांवर काय कारवाई होणार?
आता सर्वात मोठा प्रश्न हा आहे की, ज्यांनी चुकीच्या पद्धतीने किंवा दिशाभूल करून योजनेचा लाभ घेतला आहे, त्यांच्याकडून पैसे परत घेतले जाणार का? याबाबत अद्याप कोणताही अंतिम निर्णय झालेला नाही. फसवणूक करणाऱ्यांवर योग्य ती कायदेशीर कारवाई करण्यासाठी मुख्यमंत्री आणि दोन्ही उपमुख्यमंत्र्यांसोबत चर्चा करून योग्य निर्णय घेतला जाईल, असे मंत्री अदिती तटकरे यांनी स्पष्ट केले आहे. त्यामुळे, पैसे परत घेण्याचा निर्णय होण्याची शक्यता असली तरी, यासाठी सरकारची अधिकृत घोषणा येण्याची वाट पाहावी लागेल.
मित्रांनो राज्य सरकारकडून सध्या खूप मोठ्या स्तरावरती लाडक्या बहिणीच्या अर्जाची पडताळणी सुरू आहे आणि यामध्ये जर कोणताही गोंधळ आढळला किंवा अर्जामध्ये काही अफरातफर आढळली तर सरकारकडून थेट पैसे वापस घेण्यात येऊ शकतात राज्य सरकारकडून हळूहळू खूप मोठ्या प्रमाणात यातील अटी शर्ती तसेच नियम देखील कठोर करण्यात येत असल्याचे पाहायला मिळते आहे. जवळपास 26 लाख महिला अपात्र झालेले आहेत आणि या सर्व सविस्तर यादी पाहण्यासाठी लाडकी बहिण योजनेचे अधिकृत वेबसाईट खाली दिलेली आहे येथून तुम्ही सर्व यादी सहजरीत्या चेक करू शकता.
