Namo Shetkari Yojana hafta: शेतकऱ्यांसाठी एक आनंदाची बातमी आहे. ‘नमो शेतकरी महासन्मान निधी योजना’ (Namo Shetkari Mahasanman Nidhi Yojana) अंतर्गत, थांबलेला सातवा हप्ता लवकरच शेतकऱ्यांच्या खात्यात जमा होण्याची शक्यता आहे. ही योजना केंद्र सरकारच्या ‘पीएम किसान सन्मान निधी’ योजनेप्रमाणेच शेतकऱ्यांसाठी आर्थिक मदतीचा एक महत्त्वाचा आधार आहे.
कधी येणार हप्ता?
गेल्या काही दिवसांपासून अनेक शेतकरी या हप्त्याच्या प्रतीक्षेत होते, कारण हप्ता जमा होण्यास विलंब झाला होता. उपलब्ध माहितीनुसार, या हप्त्याचे वितरण अंदाजे २२ ऑगस्टपर्यंत होण्याची शक्यता आहे. शासनाकडून याबाबत अधिकृत जीआर (सरकारी निर्णय) जारी झाल्यानंतरच नेमकी तारीख स्पष्ट होईल. त्यामुळे शेतकऱ्यांनी अधिकृत घोषणेची वाट पाहावी.
कोण आहेत या योजनेसाठी पात्र?
या योजनेसाठी पात्रता निकष खूप सोपे आहेत. जे शेतकरी ‘पीएम किसान सन्मान निधी’ योजनेसाठी पात्र आहेत, तेच ‘नमो शेतकरी महासन्मान निधी’ योजनेचाही लाभ घेऊ शकतात. याचा अर्थ, जर तुम्ही पीएम किसान योजनेचे लाभार्थी असाल, तर तुम्ही आपोआपच या योजनेसाठी पात्र ठरता.
असा तपासा तुमचा लाभार्थी स्टेटस
तुम्ही तुमच्या मोबाईल किंवा कंम्प्युटरवरून घरबसल्या तुमचा लाभार्थी स्टेटस (Beneficiary Status) तपासू शकता. यासाठी:
- ‘नमो शेतकरी’ च्या अधिकृत पोर्टलवर जा.
- ‘बेनिफिशरी स्टेटस’ या पर्यायावर क्लिक करा.
- तुमचा आधार नंबर किंवा मोबाईल नंबर आणि कॅप्चा कोड टाका.
- ओटीपी (OTP) टाकून तुम्ही तुमच्या पात्रतेची माहिती आणि हप्त्याची स्थिती पाहू शकता.
याशिवाय, तुम्ही पीएफएमएस (PFMS) पोर्टलवर जाऊन तुमच्या पेमेंटचा एफटीओ (Fund Transfer Order) स्टेटसही तपासू शकता. यामुळे तुमचं पेमेंट कोणत्या टप्प्यावर आहे, याची माहिती तुम्हाला मिळेल.
