Ration Card Holders List : शिधा व्यवस्थापन प्रणालीतील क्षमता पूर्ण झाल्यामुळे, अपात्र आणि दुबार लाभार्थींना वगळण्यासाठी राज्य सरकारने एक विशेष तपासणी मोहीम सुरू केलेली आहे. या मोहिमेअंतर्गत, अंत्योदय आणि प्राधान्य कुटुंब योजनेच्या लाभार्थ्यांच्या शिधापत्रिकांची तपासणी केली जाणार आहे.
तपासणीसाठी आवश्यक कागदपत्रे
या तपासणी मोहिमेसाठी अर्ज भरताना, तुम्हाला तुमच्या निवासाचा पुरावा म्हणून खालीलपैकी कोणतेही एक कागदपत्र सादर करावे लागेल:
- भाड्याची पावती
- निवासस्थानाच्या मालकीबद्दलचा पुरावा
- एलपीजी (LPG) जोडणी क्रमांक
- वीज बिल
- टेलिफोन किंवा मोबाईल बिल
- बँक पासबुक
- वाहनचालक परवाना
- मतदार ओळखपत्र
- आधार कार्ड
शुल्क आकारले जाणार नाही
ही तपासणी मोहीम पूर्णपणे विनामूल्य आहे. यासाठी अर्जदाराकडून कोणतेही शुल्क आकारले जाणार नाही. जर कोणी तुमच्याकडून पैसे मागितले तर तुम्ही त्यांची तक्रार करू शकता.
अर्ज कसा सादर करावा?
तुम्ही स्वतः अर्ज भरण्याची गरज नाही. गावातील रेशन दुकानदार किंवा संबंधित कर्मचारी तुमच्या घरी येऊन अर्ज भरून घेतील. त्यामुळे कोणत्याही प्रकारची अडचण आल्यास तुम्ही रेशन दुकानदाराशी संपर्क साधू शकता.
या तपासणी मोहिमेमुळे गरजू आणि पात्र लाभार्थ्यांना या योजनेचा लाभ मिळण्यास मदत होईल.
